Gelowig en groen

Hoe gaan dit met Moeder Aarde? Inheemse bos is vergelykbaar met longe wat suurstof beskikbaar stel aan die liggaam. Woude help om lewe in alle vorms moontlik te maak deur die omskakeling van koolsuurgas in suurstof.

Diagnose baar egter diepe kommer: Lugbesoedeling neem bestendig toe, terwyl die “longe” meedoënloos beskadig word. Jaarliks word 3,7 miljoen hektaar inheemse bos in Afrika uitgekap vir timmerhout en lan­de­rye. Woude beslaan slegs 0,3% van Suid-Afrika se grond­oppervlakte. Wêreldwyd word een boom aangeplant vir elke 10 wat afgekap word. Teen dié koers is alle tropiese wou­de teen 2035 uitgeroei.

Is daar iets wat ons vir die pasiënt kan doen? Ja tog, plant ’n inheemse boom by elke geleentheid en op elke moontlike plek, beskerm die inheemse bos in jou omge­wing met me­ning en besnoei vindingryk op jou energie­verbruik. Wat van groen krag (wind, son) vir jou huis of besigheid?

Ons is dit aan haar verskuldig.