Geloofsbelydenis 2018

Schalk Burger van Pinehurst, Durbanville skryf:

Here, ek glo in U as die Almagtige.

Here, ek glo in U as my Vader wat verlore kinders tuis verwelkom.

Ek glo in Jesus wat die brood is wat lewe gee en my in my onstuimigheid wil bring by waters waar daar vrede is.

Ek glo dat in Hom lewe is en dat my geloof in Hom sinvolheid tot my eie lewe toevoeg.

Ek glo in Hom as die Weg waarlangs ek Huis toe loop.

Ek glo in die Gees wat my help om te glo; wat my op wegdraaipaaie voortdurend wil oortuig van die Welkom-matjie by God se voordeur.

Maar, Here, my Here, hoekom sukkel ek dan so om te glo?