“U is met ‘n kleed van lig omhul”

Psalm 104 is ’n skeppingspsalm. Die digter sien die grootheid en verskeidenheid van God se handewerk raak en hy staan verwonder daaroor. Hy kan net een ding doen, en dit is om God daarvoor te prys. As gelowige en natuurliefhebber deel Neels Jackson hierdie verwondering en as fotograaf dokumenteer hy van die skoonheid in die skepping waaroor die psalmdigter eeue gelede al vir God geprys het. Deur die psalm en sy foto’s te kombineer, bring Kerkbode vanjaar vir sy lesers ’n reeks bydraes wat presies wil doen wat die Psalmis wil: om God te prys vir sy grootheid.