Kyk: So het dit by sinodale kantoor verspoel

ʼn Massiewe wolkbreuk het Woensdag werknemers by die Vrystaatse Sinode se sinodale kantore in Wilgehof, Bloemfontein vasgekeer.

“Die Bloemspruit wat langs ons kantoorgebou afloop was in vloed,” sê Thea Bosman, kommunikasiebeampte van die sinode, vanuit ʼn “skoongewasde” Bloemfontein. Die videogreep hieronder is via sosiale media versprei.

Een van die heinings wat die kantoorgebou omhein het selfs omgespoel, verduidelik Thea.

Thea voeg by: “Vir die eerste keer in ʼn lang tyd het ons bietjie opwinding hier in Bloemfontein gehad. Ons het ook net weer besef watter ongelooflike mag water het.”

Die algemene gevoel wat by die sinode heers is dankbaarheid. “Ons is ongelooflik dankbaar teenoor die Here vir die wonderlike genadereën die afgelope twee weke. Alle eer aan Hom!”

Daar het Woensdag sowat 40 mm reën in slegs 30 minute in Bloemfontein geval, het Netwerk24 berig.