President Cyril Ramaphosa sê die verwoestende brand, wat vroeg Donderdagoggend die lewe van meer as 70 mense geëis het in ’n vyfverdiepinggebou in Johannesburg se middestad, is ’n “groot tragedie”.
Dit is luidens ’n onlangse mediaverklaring wat die regering uitgereik het. Daarin word ondermeer genoem dat die dodetal om 08:30 die oggend op 73 gestaan het.
Talle meer is beseer en gehospitaliseer.
Die gebeure het wye nuusdekking gehad, plaaslik sowel as internasionaal is daaroor berig.
Plaaslik het ook prof Thuli Madonsela het op sosiale media haar meegevoel uitgespreek met die families van mense wat in die brand omgekom het of daarin beseer is.
Ramaphosa het die gebou in Marshalltown in die middag besoek.
“Dit is ‘n groot tragedie wat deur die families gevoel word wie se geliefdes in hierdie aaklige manier gesterf het, en ons harte gaan uit na elke persoon wat deur hierdie gebeure geraak word,” sê Ramaphosa in die verklaring.
Lees die verklaring HIER soos uitgereik.
- Bronne: Verklaring deur Suid-Afrikaanse regering, Netwerk24, SABC News, Twitter
Nuusbrief: Bly op hoogte
Teken in op Kerkbode se weeklikse nuusbrief vir vars nuus, briewe, vakatures, rubrieke, podsendings en nog meer.