Die Suid-Afrikaanse Raad van Kerke (SARK) het vandeesweek hulle stem gevoeg by dié wat besorg is oor die lot van die onwettige myners wat vasgekeer is in ongebruikte skagte van die Stilfontein-myn in Noordwes.
Die SARK se pleidooi is dat die myners se menswaardigheid, soos verskans in die Grondwet, gerespekteer word.
“We understand that the work of the South African Police Services (SAPS) must follow the letter of the law, and our appeal is that the SAPS will retain the respect and dignity of the illegal miners during this enormously difficult process,” luidens ’n verklaring deur dié ekumeniese liggaam.
Die SARK het bygevoeg hulle beplan ’n besoek aan die gebied en dat hulle reeds besig is om met plaaslike kerke in die gebied te skakel.
Die verklaring kom in ’n week wat die polisie se afsperring van kos en mediese voorraad na hierdie groep van honderde onwettige ondergrondse mynwerkers aansienlike aandag getrek het. ’n Hofbevel is selfs uitgereik wat die polisie nou gebied om toe te laat dat water en ander benodighede wel afgesak mag word na die myners, berig Daily Maverick.
Die doel van die polisie se aksie is om die myners uit die ongebruikte myn se skagte te dwing. Na wat berig word het meer as ’n 1000 mynwerkers reeds uit die myn gekom.
Lees ook: Kerke in Mosambiek-krisis: ‘Ons moet almal om een tafel kry’
Nuusbrief: Bly op hoogte
Teken in op Kerkbode se weeklikse nuusbrief vir vars nuus, briewe, vakatures, rubrieke, podsendings en nog meer.