Thomas Fuller skryf: “Groot rykdom en groot vergenoegdheid woon selde saam in een huis.” Hiermee onderstreep hy dat onvergenoegdheid en ondankbaarheid kenmerkend is van ’n welvaartsgemeenskap. Die rede daarvoor is doodgewoon dat die oorvloed van materiële besittings jou laat fokus op wat jy nie kon inpalm nie en jou in die gejaag daarna by die […]
Wat ’n voorreg om die afgelope jaar saam die reis na ons planeet se redding te kon aanpak. Dit het ons geneem van roepingsverheldering oftewel ’n eko-hart, na die sensitiewe, verrykende dog dikwels onrusbarende opmerksaamheid van eko-oë en -ore, uiteindelik tot by die daadwerklike aanpak van uitdagings, persoonlik, plaaslik en selfs landwyd met eko-hande en
“Twee vaar beter as een. Hulle inspanning kom tot iets,” staan daar in Prediker 4:9. Ook ekologies geld hierdie stukkie waarheid. As individue dra ons pogings om groen te leef wel by tot die aarde se welsyn en het dit boonop ’n eksemplariese invloed. Maar benewens persoonlike leefstylaanpassing is daar gelukkig vele geleenthede om kragte
Nadele van die digitale era ten spyt, is die een groot voordeel dat dit jou toegang tot ’n wêreld van inligting, ook oor die ekologie, verleen. ’n Paar voorbeelde van gebruikersvriendelike webwerwe propvol nuttige feite, wenke, nuus, projekte en selfs Bybelstudies is: Geloofsgebaseerde organisasies: www.arocha.org; www.safcei.org.za; www.neccsa.org.za. Omgewingsmonitering en -projekte: www.gem.org.za; www.sanbi.org.za; www.wildlifesociety.org.za; www.ewt.org.za; www.wwf.org.za;
Die veelbekroonde en uiters fassinerende natuurprogram 50/50 het in Desember 2017 die aandag op ’n ontstellende verskynsel gevestig. Kragvooorsiening noodsaak ’n netwerk van 100 0000 km hoogspanningsdrade wat soos ’n spinnerak oor die land span. Die gevolg daarvan is dat talle voëls van reeds bedreigde spesies daarin beland en doodgeskok word. Die vraag wat opduik
Prof Johanné Cilliers het in “Omgewingspraatjies” op RSG op 27 Januarie aanbeveel dat ons in die stede eerder die “groen infrastruktuur” (dit wil sê natuurlike ekosisteme) beskerm en bevorder. In plaas daarvan om groot, peperduur en onooglike kunsmatige strukture te vestig om dienste soos die suiwering van gryswater, skoon lug, leefbare temperatuur en vrugbare grond
Omgewingsrubrieke en -programme dra uiteraard meer in diepte-inligting en interpretasie oor. So word RSG se “Omgewingspraatjies” Saterdagoggende al dekades lank deur topkundiges hanteer. Tans neem prof Johanné Cilliers van Noordwes-Universiteit die leiding. Op 10 Februarie wys sy daarop dat 30% van seedier- en 71% van seevoëlsterftes plastiekverwant is. Dit bring perspektief op die skatting dat
Einde verlede jaar word berig dat huise in Bloemfontein reeds vir drie dae sonder water is – en dat dit die lot is van nog 30 ander munisipaliteite. Hierdie brokkie nuus oor die radio bring ’n pleidooi van dr Charles Fourie, geoloog en waterkundige, in herinnering. Hy vra dat ons water “menswaardig”, dit wil sê
Die radio-nuusberig vermeld kortliks dat by die COP12-byeenkoms, een van dié grootste in die naam van wilde diere, in Manila daarvan kennis geneem is dat die “groot katte” se oorlewingstatus nou “kwesbaar” is. Dit sluit die leeu in wat ons mos as die “koning” van die diereryk beskou. Vir talle wildtuinbesoekers is ’n blik op
Gewone programme en nuusberigte help ons om fyner te kyk en te luister na die welstand al dan nie van planeet aarde. So word daar op 12 Desember 2017 in ’n nuusberig op RSG gemeld dat die Wêreldbank voortaan nie meer olie- en gasontginning gaan ondersteun en befonds nie maar slegs projekte wat daarop gemik
Tussen talle draers van eko-nuus soos webwerwe, tydskrifte, pamflette, boeke en konferensies, is die daaglikse nuusberigte wat koerante, TV en radio in ons huise indra, seker die toeganklikste bron van inligting oor die welsyn van ons planeet. In dié verband sou ’n oplettende waarnemer ’n verskuiwing bemerk het: Waar die nuus tot in die verlede
’n Hart wat warm klop vir die omgewing, is uiters belangrik, maar ongelukkig is dit nie genoeg as dit nie opgevolg word met ’n eko-oog en -oor wat fyn kyk en luister nie. Daarsonder is die kans goed dat ons goeie bedoelings met die aarde en ons roeping om dit te versorg heeltemal kan ontspoor.
Robert Nengwekhulu, water- en omgewingskonsultant, sê: “People ask me why I am so obsessive about water conservation. I ask them if they have children.” Die verbruikersweergawe van “Carpe diem” is: “Eien jouself so vinnig, soveel moontlik toe, ongeag die konsekwensies.” Om uiteenlopende redes is onmiddelike behoefte-bevrediging ’n saak van dringendheid vir sowel super welvarendes altoos
Die Oranjerivier het afgekom en die Vrystaatse vrou was een van vele wat na die skouspel van die Augrabies-waterval kom kyk het. In antwoord op die vraag van die omroeper na haar gewaarwordinge, sê sy in ademlose verwondering: “Ek besef hoe groot God en hoe klein ek is.” Verwondering – ’n skaarserwordende emosie in die
Die Duitse teoloog Jürgen Moltmann waarsku dat die skeiding wat ons maak tussen God en aarde, kan lei tot ’n godlose siening van die natuur en ’n natuurlose siening van God – ’n beskouing wat noodwendig rampspoedige ekologiese gevolge inhou omdat die aarde dan uitgelewer word aan menslike willekeur. ’n Eko-hart verstaan dat volgens die
“Pas op,” sê Jesus, “en wees op julle hoede vir elke vorm van gierigheid, want ’n mens se lewe is nie afhanklik van die oorvloed van sy besittings nie” (Luk 12:15). Kenmerkend van die verbruikersamelewing waarvan ons deel is, is gierigheid, dit wil sê die begeerte na meer goed. Die voortgang van die verbruikersekonomie vereis
