ABEL is die tweede seun van Adam* en Eva¹*. Abel was ’n skaapboer en het ’n meer aanvaarbare offer aan God* gebring as Kain*, wat ’n vrugteboer was. Hiervoor het Kain vir Abel doodgemaak. Heb 11:4 dui onvanpaste geestelike motivering aan as die rede waarom Kain se offer verwerp is. Abel beteken “asem” of “onbeduidend”. Sy naam word geassosieer met die kortheid/vlugtigheid van die lewe. Sy naam is verwant aan die woord wat in die boek Prediker* gebruik word en wat normaalweg met “tevergeefs” of “kom tot niks” vertaal word.