Vakature: Voltydse Medeleraar

Sluitingsdatum: 19 Februarie 2016

Die kerkraad wag in biddende afhanklikheid van die Here aansoeke in vir die pos van bedienaar van die Woord.

GEMEENTEPROFIEL: Witbank-Panorama is ’n gemeente van die Here Jesus Christus en vorm deel van die Oostelike Sinode. Die gemeente is ±100 km oos van Pretoria geleë. Die gemeente is aan die oostekant van Witbank geleë in een van die groeipunte van die stad met ’n lidmaattal van ±1 500 (doop en belydend) met ’n gemiddelde ouderdom van ongeveer 36 jaar oud. Die gemeente het twee voltydse leraarsposte.

LERAARSPROFIEL:

• ’n Veelsydige, entoesiastiese NG Kerk-gelegitimeerde en beroepbare leraar of proponent (verkieslik nie ouer as 50 jaar nie), wat medies geskik is om al sy/haar werksverpligtinge na te kom;

• ’n Passie het vir God en sy koninkryk, Hom liefhet en in ’n verhouding met Hom staan;

• ’n Gerigtheid na buite (missionaal);

• ’n Entoesiastiese prediker;

• Innoverend, wat kreatief geleenthede kan raaksien en ontgin;

• ’n Spanspeler;

• ’n Musikale aanleg en ervaring in jeug- en gesinsbediening sal tot voordeel van die kandidaat wees;

• Die kandidaat moet vaardig wees in die gebruikmaking van elektroniese media.

FOKUSAREAS:

Die Bedienaars van die Woord in die gemeente is onderhewig aan die uitvoering van Artikel 9 van die Kerkorde en verantwoordelik vir bepaalde aspekte van die bediening maar die kandidaat kan ook by die bedieninge ingesluit word:

1. Gemeentebou in al sy fasette wat insluit, maar nie beperk is nie tot:

• uitreike en gemeenskapsbetrokkenheid

• bemarking van die gemeente

• mans- en vrouebedienings

2. Selgroepbediening.

3. Bemagtiging van gesinne en jeug met die oog op geloofsgroei.

4. Bybelstudies.

5. Gebedsbediening.

VERGOEDING:

Volgens die Oostelike Sinodale riglyne. Die gemeente beskik oor ’n ruim pastorie.

AANSOEKE:

1. Aansoeke moet vergesel wees van ’n volledige CV met die name en kontak-besonderhede van ten minste drie referente en ’n onlangse foto (gesinsfoto indien van toepassing).

2.     Alle aansoeke moet per e-pos gestuur word na: kantoor@ngpanorama.co.za

3. Kandidate moet vir onderhoude en ’n preekbeurt beskikbaar wees op ’n datum soos onderling ooreengekom tussen die pre-advies en die kandidaat.

NAVRAE: Johan Dempsey: 084 402 5850. Kerkkantoor 013 650 5027 (8:00-13:00) of Willem Esterhuizen: 082 430 4328.

Let wel: Huisreëls van die gemeente is beskikbaar op die webtuiste www.ngpanorama.co.za asook op aanvraag by die kerkkantoor.

SLUITINGSDATUM: 19 Februarie 2016 om 12:00

DIENSAANVAARDING: Nie later as 1 Mei 2016 of soos in oorleg met die suksesvolle kandidaat gereël.

Die kerkraad behou homself die reg voor om nie ’n aanstelling uit die aansoeke te maak nie.