Fakulteit Teologie
Departemente Ekklesiologie en Dogmatologie
Lektor/ Senior Lektor (Kontrakaanstelling: 5 jaar)
Pos-ID: 1730

Sluitingsdatum: 14 Oktober 2016.

Hierdie akademiese pos in Gereformeerde Teologie het as leeropdrag simboliek, teologie- en kerkgeskiedenis van die Reformasie en van kerke in die gereformeerde tradisie in Suider-Afrika, asook kerkregering en gereformeerde spiritualiteit. In die lig van die ooreenkoms tussen die NG Kerk en die Universiteit Vrystaat (2017), is hierdie ’n termynbepaalde pos (5 jaar).

Pligte en verantwoordelikhede:

• Onderrig voor- en nagraadse studente.
• Inisieer en verrig navorsing in toepaslike studievelde en lewer navorsingsresultate.
• Verskaf studieleiding aan voor- en nagraadse studente.
• Verrig algemene administratiewe pligte.
• Dra by tot kurrikulumontwikkeling in die Fakulteit.
• Deelname aan samelewingsdiensaktiwiteite in die Fakulteit en deelnemende kerke.

Inherente vereistes:

Lektor:

• Meestersgraad in Kerkgeskiedenis, Kerkreg of Teologiegeskiedenis.
• Bewese ervaring in die lewering van plakkaat- of mondelinge aanbiedinge by kongresse of ekwivalente aktiwiteite.
• Lewer bewys van manuskripte geproduseer wat die potensiaal toon om omskep of ingedien te word vir publikasie in ’n geakkrediteerde joernaal.
• ’n Goeie akademiese rekord.

Senior Lektor:

• Doktorsgraad in Kerkgeskiedenis, Kerkreg of Teologiegeskiedenis.
• Bewese ervaring in die lewering van referate/plakkate by nasionale vakwetenskaplike kongresse.
• Bewese nasionale erkenning vir spesialiskundigheid en navorsing in ’n spesifieke area van akademiese meesterskap.
• ’n NNS-gradering, of moet die potensiaal vir die verkryging van ’n NNS-gradering demonstreer.
• Bewese ervaring in studieleiding van gegradueerde magisterstudente.
• ʼn Bewese navorsingsrekord met relevante publikasies in geakkrediteerde nasionale en internasionale joernale.
• Bewese ervaring van diens as ’n aktiewe lid van ’n nasionale of internasionale vakwetenskaplike vereniging of ’n komitee of agentskap gemoeid met navorsing op hoëronderwysvlakke.

Aanbevelings:

• Lidmaat van die NG Kerkfamilie.
• Vereenselwiging met die etos van die Universiteit Vrystaat.
• Lektor:
  • Bereid wees om vir ’n doktorsgraad in te skryf by die eerste beskikbare geleentheid, indien nie reeds behaal is teen die tyd van die aanstelling nie.
  • Bewese navorsingsrekord met relevante publikasies in geakkrediteerde nasionale joernale.

Diensaanvaarding: 1 Januarie 2017.

Sluitingsdatum: 14 Oktober 2016.

Salaris:
Die salarisskaal is op aanvraag beskikbaar. Skakel gerus 051 401 9962/3934/9329. Vir verdere navrae skakel gerus 072 425 8537.

Byvoordele:
(Onderhewig aan bepaalde voorwaardes): pensioenskema, mediesehulpskema, groeplewensversekering, behuisingstoelae, verlof en siekteverlof, diensbonus en studievoordele.

Algemeen:
Die Universiteit behou die reg voor om die pos nie te vul nie. Die Universiteit onderskryf die beginsels soos voorgeskryf deur die Wet op Billike Indiensneming, en pas dit toe. Voorkeur sal aan kandidate van die aangewese groepe verleen word ooreenkomstig die beginsels van die genoemde wet en die werknemersprofiel van die spesifieke departement/afdeling.

Aansoeke kan slegs aanlyn gedoen word. Alle aansoeke moet van die volgende vergesel word:

• ’n volledige curriculum vitae;
• afskrifte van alle akademiese rekords;
• afskrifte van kwalifikasies (voorsien asseblief die SAKO-akkreditasie in die geval van buitelandse kwalifikasies);
• ’n afskrif van u identiteitsdokument (ID).

Aansoeke wat onvolledig is of per faks of e-pos gestuur word, sal nie oorweeg word nie. Indien u binne ses weke na die sluitingsdatum vir aansoeke nie gekontak is nie, kan u aanvaar dat u aansoek onsuksesvol was.