Ons gemeente se Visie is: Oorgee – Omgee – Aangee

Vakature: Die gemeente Dutoitspan het ’n vakature vir ’n leraar in ’n vastetermynpos vir drie jaar. Die pos mag verleng word.

Sluitingsdatum: 31 Oktober 2016.

Gemeenteprofiel:

• Die gemeente het ’n samestelling van 636 belydende en 17 dooplidmate.
• Dit is ’n multi kulturele, sosio-ekonomiese- en maatskaplik diverse gemeente.
• Daar is gevestigde selgroepe.

Leraarsprofiel:

• Gewone predikantverpligtinge volgens Artikel 9 van die Kerkorde.
• Goeie pastorale leierskap. (Opleiding in sielkunde word sterk aanbeveel.)
• Die gemeente funksioneer in die “Liggaamsmodel” en nie volgens die “Herder-kuddemodel” nie. Die styl van die erediens is meer informeel.
• Goeie menseverhoudings is belangrik.
• ’n Energieke, kreatiewe leraar wat innoverend kan dink is ’n belangrike vereiste.
• Die leraar moet hom verbind tot deelnemende bestuur en die vermoë hê om in ’n span te werk.
• Die gemeente gebruik oudiovisuele middele, dus moet die leraar dit optimaal kan gebruik.
• Baie belangrik dat die leraar spesiale passie en begrip sal hê vir die multi-kulturele, maatskaplike en sosio-ekonomiese diversiteit van die gemeente.
• Die leraar moet ’n missionêre aanslag hê en sterk wees in visionêre leierskap.
• Die gemeente is in vennootskap met ander gemeentes; dit sal van die leraar verwag word om dit verder te ontwikkel.
• Daar is bestaande selgroepe – die leraar sal verantwoordelik wees vir die uitbouing daarvan.

Vergoedingspakket:

Volgens die Noord-Kaap se sinodale skale maar beperk word tot ’n maksimum van posvlak 2 / 3.

Aansoeke:

• CV met vermelding van vyf referente.
• Persoonlikheidsontleding en temperamentvraelys – (Keirsey – indien beskikbaar, anders sal dit tydens onderhoud voltooi word).

Sluitingsdatum: 31 Oktober 2016.

Diensaanvaarding: 1 Februarie 2017.

Kontakbesonderhede:

• CV kan gestuur word aan dutoitspan@telkomsa.net
• Navrae kan gerig word aan Johan Bean 082 773 7273.