PSD: Predikantebegeleiding

Sluitingsdatum: 27 Januarie 2017 om 12:00

Die Sinode van die NG Kerk in Suid-Afrika (Wes-Kaapland) maak die vakature vir ’n PSD: Predikantebegeleiding bekend en nooi alle belangstellendes wat daartoe geroepe voel om hulle vir hierdie pos beskikbaar te stel.

Die PSD: Predikantebegeleiding neem verantwoordelikheid vir:

• Die begeleiding van predikante en teologiese studente ten opsigte van persoonsontwikkeling en geloofsgroei.
• Die oorsig oor die pastorale versorging van predikante en hul gesinne wat insluit: ondersteunende besoeke, terapeutiese gesprekke, gesinspastoraat en verwysing na kundiges.
• Die roepingsbegeleiding met predikante om bedieningsvreugde en missionale leierskap te verseker.
• Die begeleiding van predikante en gemeentes ten opsigte van hul onderskeie geloofs reise.
• Die bestuur van die begeleidingsentrum vir predikante.
• Navorsing gemik op die ondersteuning en begeleiding van predikante, sowel as die voortgesette ontwikkeling van materiaal hiervoor.
• ’n Ondersteunende rol by verskeie aksies saam met Diensgroep: Gemeentebegeleiding.

Die ideale kandidaat is ’n gelegitimeerde predikant in die NG Kerk wat aan die volgende vereistes voldoen:

• Toepaslike akademiese opleiding en genoegsame lewenservaring.
• Bewese ondervinding van gemeentebediening.
• ’n Passie, roeping en vaardigheid om predikante te begelei.
• Bekwaamheid om verhoudings en netwerke te bou.
• ’n Persoonlikheid wat vertroue en respek inboesem en terselfdertyd meelewing en pastorale sensitiwiteit uitstraal.
• Bewese en uitstekende kommunikasie- en fasiliteringsvaardighede.
• Strategiese denke wat groter patrone en tendense kan raaksien.
• Opleiding in die kliniese pastoraat is nie ’n vereiste nie, maar sal die aansoek versterk. 

Vergoedingspakket: Volgens sinodale riglyne.

Rig ’n volledige CV voor 27 Januarie 2017 om 12:00 aan:

Die Bestuurder: Menslike Hulpbronne (Kenny Raats), NG Kerk in SA, Privaatsak X8, Bellville 7535.

E-pos: ngkadmin@kaapkerk.co.za of skakel 021 957 7104.

Heg ook ’n bondige voorlegging van maksimum twee bladsye aan waarin u uiteensit hoe u die voorgenome rol as PSD: Predikantebegeleiding, asook die uitvoering daarvan vir die volgende twee tot drie jaar sien.

Persoonlike navrae kan gerig word aan:

Dr Theo Swart (lid van die Taakspan: Predikantebegeleiding) by 083 457 1647 óf ds Gielie Loubser (die diensgroepkoördineerder) by 083 234 2178.