Vakature: 2 jaar vastetermyn leraarspos (verlengbaar)

Sluitingsdatum: 15 Januarie 2017

GEMEENTEPROFIEL: Daniëlskuil Gemeente is ’n tipies-plattelandse, pastorale, gemeente in die Noord-Kaap, verteenwoordigend van ons mynbou, boere en dorpsgemeenskap. Ons het 370 belydende en 94 dooplidmate, en is sowat 170 km wes van Kimberley geleë.

LERAARSPROFIEL: Ons het ’n behoefte aan ’n leraar wat gemeentegroei kan realiseer. Hy/sy moet gemaklik as dissipel, mobiliseerder en fasiliteerder kan funksioneer.

Die suksesvolle kandidaat verrig sy/haar dienswerk in die gemeente:

• As ’n gelegitimeerde, teologies-konserwatiewe, geesvervulde leraar, wat die evangelie Skrifgetrou verkondig en die gereformeerde belydenis van die kerk onderskryf.
• Deur die gemeente te begelei tot geestelike groei en diensbaarheid in die Koninkryk van God.
• Ingevolge Artikel 9 van die Kerkorde
• As dienskneg, wat bekwaam en gewillig is om pastoraal verhoudinge uit te bou en oud en jonk se geestelike belange vernuwend te kan dien.
• Deur bedieningsontwikkelings te identifiseer en te begelei.

VERGOEDING: In ooreenstemming met die Sinodale riglyne: Skaal 1, onderhandelbaar.

AANSOEKE:

• Moet vergesel wees van ’n bondige CV, wat twee verwysings insluit, asook die vroegste datum waarop diens aanvaar kan word sou die aansoek suksesvol wees.
• Kandidate op die kortlys moet:

o Bereid wees om op koste van die gemeente ’n erediens waar te neem, waarna ’n onderhoud gevoer sal word.

o Psigometriese toetse aflê.

• Sluitingsdatum van aansoeke is 15 Januarie 2017.
• Alle aansoeke moet per e-pos gestuur word na: ngdk@telkomsa.net

NAVRAE: Telefonies by voorsitter van die kerkraad, Bart Daffue: 083 406 0429.

Die kerkraad behou die reg voor om nie ’n aanstelling te maak nie.