Deeltydse leraarspos

Keerdatum: 10 Februarie 2017.

’n Ongewone pos vir die ongewone persoon.

Gemeenteprofiel:

Ons is op 1 Junie 2014 gestig. Ons familie van 160 is tweetalig, veelrassig en heelparty was tot onlangs nog kerkloos. Ons Praise-and-Worship met elektriese kitaar en dromme en ons styl en kleredrag is informeel, in pas met ons kusdorp. Kinders en “soekers” is vir ons belangrik. Ons doelwit is om die amp van gelowige te vestig in ’n liggaamsmodel. Ons bedien deur groepe, reik uit in ons gemeenskap en het ’n aktiewe sendingaksie.

Ons gemeentevisie is: Jesus vir ander deur ons, en ons waardes is:

Unconditional Acceptance • Onvoorwaardelike aanvaarding van alle mense

Genuine Caring • Opregte omgee vir mekaar

Sharing • Mededeelsaamheid

Accountability • Verantwoordbaarheid

Hope • ’n Lewe van hoop

Leraarsprofiel en pligte:

• ’n Vars uitdrukking van kerkwees en voortdurende innovering, wat inslag vind by ons konteks;

• ’n Inklusiewe gemeentekultuur ten opsigte van die groot verskeidenheid in ons gemeente en die vallei;

• Ons lidmate woon in Houtbaai, Hangberg, ImizamoYethu, Llandudno, Kaapstad en sy suidelike voorstede. Moet bereid wees om lidmate en kerkloses oor dié wye geografiese gebied effektief te bedien;

• Die uitbou van verhoudings en netwerke in die gemeenskap met die kerke en NGO’s.

• Ons huisves Hout Bay AFD en die AA vergader in ons kerk.

• Ons het kerkraad van spanleiers, met ’n jeug- en familiebediening, ’n erediensspan, hulpverlening en getuienisbediening.

Ons uitdaging is veral betrokkenheid in ’n besige stadslewe en die groeipyne as ’n nuwe gemeente.

Vergoedingspakket sal afhang van diensure. Jaarbegroting tot R360 000 onderhandelbaar.

Pastorie beskikbaar op terrein.

Keerdatum: 10 Februarie 2017.

(Huidige leraar word voltydse sendeling vanaf einde Januarie 2017.)

Navrae: Carel de Ridder 083 700 0311 (ook WhatsApp) of carel@westerford.com

Aansoek aan: hbgemeente.leraar@gmail.com

www.houtbaaigemeente.co.za Sola Scriptura – Semper Reformanda