Die sluitingsdatum vir hierdie vakature is verby en aansoeke word nie meer ingewag nie.
Vakature: Vastetermyn
Sluitingsdatum: 31 Maart 2017
Die NG gemeente Presidentsoord (SPRINGS) in die ring van Delmas het ’n vakature vir ’n leraar in ’n vastetermynpos. Die termyn van die kontrak is onderhandelbaar, maar in terme van die Kerkorde, is dit beperk tot ’n maksimum tydperk van drie jaar. Die pos mag wel later verleng word vir ’n verdere termyn. Die salaris sal in ooreenstemming met die toepaslike sinodale skale wees maar beperk tot ’n maksimum van posvlak 5.
Die gemeente bedien tans 349 belydende en 48 dooplidmate. Die gemeente is opgedeel in 27 wyke met 234 besoekpunte.
Die gemeente beskik oor ’n ruim pastorie in ’n rustige en gevestigde woonbuurt en wat aangrensend tot die kerkgebou is. Die pastorie is in die omgewing van verskeie laer- en hoërskole.
Leraars wat in die pos belangstel word genooi om hulle persoonlike besonderhede en ’n volledige CV per e-pos te stuur na ngkpoord@absamail.co.za voor of op 31 Maart 2017.
Die kerkraad se reg om nie enige leraar te beroep nie word voorbehou.
- Ondersteun
Nuusbrief: Bly op hoogte
Teken in op Kerkbode se weeklikse nuusbrief vir vars nuus, briewe, vakatures, rubrieke, podsendings en nog meer.
