Medeleraarspos

Sluitingsdatum vir aansoeke: 8 Mei 2017.

PE Hoogland se roeping: Geloof, deur liefde tot dade (Gal 5:6)

PE Hoogland is 45 jaar oud en is geleë in die Charlo-area in Port Elizabeth. Ons bestaan tans uit ongeveer 800 huishoudings: 2 250 belydende lidmate (255 tussen die ouderdom van 19 en 25) en 622 dooplidmate. Daar is vier laerskole, twee hoërskole en ’n aftree-oord in die onmiddellike omgewing.

Hoogland het ’n missionale roeping, is inklusief en vier die diversiteit van mense in die geloofsgemeenskap.

Leraarsprofiel:

Met Artikel 9 van die Kerkorde as basis, word van hierdie voltydse leraar verlang om:

• ’n deurleefde spiritualiteit en jonkheid te beliggaam (verkieslik tussen 30 en 39 jaar oud);

• entoesiasties te wees en oor vaardighede te beskik om die jeug, as wesenlik deel van die gemeente, effektief te bedien;

• eredienste met goeie teologiese begronding, kontekstuele relevansie en geestelike

diepte te lei;

• ’n opregte belangstelling in mense te hê, gasvry te wees en goed in ’n span saam te werk;

• kreatief en energiek mee te werk om die gemeente te begelei en toe te rus om haar roeping uit te leef; en

• oor goeie kommunikasievaardighede te beskik.

Vergoedingspakket: Salaris volgens sinodale skaal vir predikante, met ’n pastorie.

Aansoeke:

Stuur asseblief ’n CV met drie referente en ’n motivering (skriftelik of video) waarom jy jouself in hierdie pos sien, asook ’n video-opname (of skakel daarheen) van ’n onlangse volledige erediens aan:

Saretta by saretta@pehoogland.co.za

Sluitingsdatum vir aansoeke: 8 Mei 2017.

Navrae:

Albrecht Herholdt (Voorsitter: Pre-advieskommissie) 041 582 1073 (08:00 tot 16:00)

Eugene Malan (Leraar): 083 299 8100

Saretta Dawson (Gemeentebestuurder) 041 367 1485 (08:00 tot 14:00)

Kandidate op die kortlys sal vir ’n onderhoud genooi word.

Die kerkraad behou die reg voor om nie ’n aanstelling te maak nie.