HOOFARGIVARIS
(Stellenbosch)
http://kerkargief.co.za

Sluitingsdatum: 10 Mei 2017.

Die NG Kerk in Suid-Afrika (Wes-Kaapland) beskik tans oor ’n vakature vir ’n Hoofargivaris by die NG Kerk se Argief in Stellenbosch. Die datum van diensaanvaarding is 1 Julie 2017.

Verantwoordelikhede

• Keuring, ordening, ontsluiting en restourering van argivalia met die oog op bewaring en navorsing;

• rekordbeheer en skakeling met kliënte (gemeentes, ringe en sinodes);

• lewer ’n diens aan navorsers en gebruikers van die Argief (persoonlik, telefonies of per e-pos);

• ontwikkel en bestuur die digitaliseringsproses van die Argief en

• bestuur die personeel, begroting en dag-tot-dag aktiwiteite van die Argief.

Kennis en vaardighede verlang

• Kennis van toepaslike Suid-Afrikaanse wetgewing, asook die toepassing daarvan in ’n argief;

• toepaslike ervaring van argivale werk;

• goeie kommunikasievermoë in beide Afrikaans en Engels;

• uitstekende organisasievermoë;

• administratiewe vaardigheid;

• rekenaarvaardigheid en

• deeglike kennis van die NG Kerkfamilie se strukture en werksaamhede.

Minimum kwalifikasie

• ’n Toepaslike nagraadse kwalifikasie in argiefkunde of ’n aanverwante dissipline.

Vergoeding

• Onderhandelbaar in ooreenstemming met kwalifikasies en verantwoordelikhede.

Aansoekprosedure

Stuur u aansoek per e-pos saam met ’n volledige CV voor 10 Mei 2017 aan:

Die Bestuurder: Menslike Hulpbronne, NG Kerk in SA, Privaatsak X8, Bellville 7535

E-pos: ngkadmin@kaapkerk.co.za

Navrae: 021 957 7104 (Mnr Kenny Raats)