Predikant in Sinodale Diens (PSD)
Sluitingsdatum:Vrydag, 13 Oktober 2017

Getuienisaksie van die NG Kerkfamilie in die Kaapstreek is ’n verenigde diensgroep van die NG Kerk (Sinode van Wes-Kaapland), die Verenigende Gereformeerde Kerk in ­Suider-Afrika (VGKSA) Kaapland en die Reformed Church in Africa (RCA).

Getuienisaksie, in samewerking met die NG Kerk Sinode van Wes-Kaapland se Diens­groep Gemeentebegeleiding, maak hiermee die vakature vir ’n PSD: Taakspan Getuienis deur Gemeentes bekend en nooi predikante wat daartoe geroepe voel om hulle vir hierdie pos beskikbaar te stel, om aansoek te doen.

Die PSD: Taakspan Getuienis deur Gemeentes is onder andere verantwoordelik vir die volgende:

• Ondersteuning aan gemeentes in die ontwikkeling van hulle missionêre aard en roe­ping;

• Lewer ooreengekome diens aan Diensgroep Gemeentebegeleiding tov Nuwe Geloofs­gemeenskapsontwikkeling (NGGO);

• Ondersteuning aan verbandsbedieninge soos Straatwerk ea;

• Neem leiding, saam met ander diensgroepe, om evangelisasie aktief te bevorder;

• Ondersteuning aan multikulturele geloofsgemeenskappe om interkulturele vaardighede te ontwikkel;

• Fokus op die ekologie en gemeentes se missionêre verantwoordelikheid teenoor die omgewing;

• Die ontwikkeling en ondersteuning van netwerke en vennootskappe.

Die geskikte kandidaat is ’n gelegitimeerde predikant van die VGKSA wat aan die volgende vereistes voldoen:

• Het ’n duidelike roeping om die gestuurdheid (missionaliteit) van die kerk uit te bou.

• Het die vermoë om netwerke en verhoudings te bou.

• Het goeie organisering en administratiewe vermoëns.

• Verdere toepaslike teologiese studie en gemeentelike ondervinding word in ag geneem.

Die diversiteitsprofiel van Getuienisaksie sal tydens die keuringsproses in ag geneem word.

Vergoedingspakket: Volgens sinodale riglyne.

Rig ’n volledige CV voor Vrydag, 13 Oktober 2017 aan:

Die Diensgroepbestuurder: Kobus Odendaal, Getuienisaksie, Privaatsak X8, Bellville 7535.

E-pos: missio@kaapkerk.co.za

Tel: 021 957 7204.

Heg ook ’n bondige voorlegging van maksimum twee bladsye aan waarin u uiteensit hoe u beoog om aandag te skenk aan die energering en ontwikkeling van gemeentes se missionêre aard en roeping.

Persoonlike navrae kan gerig word aan die Bestuurder: Kobus Odendaal.