KYK: Ramaphosa oor begrafnisse se dodelike gevaar

In sy jongste boodskap aan Suid-Afrikaners het pres. Cyril Ramaphosa Maandagaand (11 Januarie) onder meer begrafnisse uitgesonder as “superspreader”-geleenthede. 

Ramaphosa het gesê vele Covid-verwante sterfgevalle is weens infeksies wat by hierdie geleenthede opgedoen word. “Funerals have become a death trap for many of our people,” het hy gesê in ’n toespraak waarin hy ook klem gelê het op die regering se nuwe enstofstrategie. 

Die rol van geloofsleiers is benadruk in die toespraak – ook in die bekamping van gendergebaseerde geweld wat Ramaphosa as Suid-Afrika se “tweede pandemie” beskryf het. 

Oor entstof vir die koronavirus het Ramaphosa gesê daar is baie misinformasie en samesweringsteorieë wat versprei word. Hy het ’n beroep op alle Suid-Afrikaners gedoen om deel te neem aan die “monumentale onderneming” om die regering se entstofveldtog suksesvol uit te rol. 

Sowat 33 163 Suid-Afrikaners het reeds aan Covid-19 gesterf, volgens die jongste data op https://sacoronavirus.co.za/.