Geagte leser,

Ons is dankbaar vir die ondersteuning van elke Kerkbode-leser.

En hoewel ons baie trots is op die groeiende aantal digitale lesers by www.kerkbode.co.za, is die intekenfooi op die gedrukte weergawe van Kerkbode steeds van groot belang vir ons finansiële volhoubaarheid.

Elke subskripsie op die gedrukte Kerkbode vir 2023 …

• Stel ons redaksie in staat om stories van mense op ’n geloofspad te vertel.
• Onderhou kerkjoernalistiek, wat die welstand van die NG Kerk se kommunikasie-ekosisteem verseker.

 

Jy steun Kerkbode se volhoubaarheid

Een van die teenstrydighede van die tyd waarin ons leef, is dat gehalte-joernalistiek tegelyk in groter aanvraag is, maar ook moeiliker as ooit is om te befonds. 

Een rede is dat die groot advertensiebegrotings, wat koerante vir dekades ge-abba het, deesdae liefs by Sosiale Media bestee word. Die ander is die kreeftegang van papierkoerante wêreldwyd. Kerkbode spring ongelukkig nie hierdie geldnood of daling in aanvraag vry nie. 

Dan maak die toename in koerierkoste (brandstof), drukkoste (papier) natuurlik verder vuur onder ons. Maar goed, genoeg slegte nuus …

Die bogenoemde uitdagings het ons vanjaar by die punt gebring waar ons iewers moet aanpas met die hoop dat ons intekenaars sal kan oorreed om saam met ons te bly reis. Ons herposisioneer die gedrukte Kerkbode in die nuwe boekjaar as ’n maandblad. Ons hou die formaat en aantal blaaie dieselfde. Deur die verskyningsritme aan te pas van 16 na 12 uitgawes per jaar kan ons steeds die diens van ’n pakkende gedrukte publikasie aan lesers lewer. 

 

Als reeds aanlyn?

Ons weet dat vele lesers van die gedrukte Kerkbode ook ons stories aanlyn lees, op ons webblad of via die Kerkbode-toepassing. Kerkbode is inderdaad in die eerste plek ’n digitale publikasie, wat weekliks, dikwels daagliks, inhoud publiseer en modereer. Ook intekenaars het uiteraard daardie gerief en dit is juis daardie primêre inhoudskeppingstaak waarmee jou gemeente se subskripsie ons sal help. Ons beskou die papierkoerant as aanvulling tot ons digitale nuusdekking. 

 

Wat kry lesers in die gedrukte koerant?

• ’n Maandelikse oorsig van die belangrikste kerknuus
• Die jongste Vakatures en Amptelike Nuus
• Gewilde rubriekskrywers en uiteenlopende briefskrywers
• Teologiese denkleiers, profiele, lekkerlees-stories en boekresensies 

 

Ek wil inteken. Hoe gemaak?

Opsie 1: 

Volg hierdie skakel – https://kerkbode.christians.co.za/BESTEL/ – en kies hoeveel Kerkbodes jou gemeente wil bestel. Die aanlyn sakrekenaar bereken die bedrag wat dit per uitgawe sal kos en jy sal ’n faktuur per e-pos ontvang. 

[youtube https://www.youtube.com/watch?v=b-uL-2iCNBQ]

Opsie 2: 

Laai die Kerkbode-bestelvorm HIER af. Jy kan dit digitaal invul en aan Viona Ross, Kerkbode se intekenaarbestuurder, stuur. Kontak haar by:

E-pos: viona@tydskrifte.co.za
WhatsApp: 064 874 0636 
Tel: 021 864 8278