Kerkbode

Kopiereg © Kerkbode 2024

Streeksinode: Ekumeniese vennote loer in by KZN-sinode


Heelwat van die NG Kerk in KZN se vennote in ander kerke het by die sinodevergadering wat van 4 tot 6 Junie in Pietermaritzburg plaasvind, kom inloer en groeteboodskappe oorgedra, berig Lambert Jacobs.

Twee van die Reformed Church in Africa (RCA) se leraars het aan die vergadering deelgeneem. Ds Akash Sirpal is leraar van die RCA Jeshurun en skriba van die RCA Sinode. Hy is reeds 14 jaar in die bediening en kom uit ’n Hindoe-agtergrond. Saam met hom was ds Wessel Cronje, vir 17 jaar al leraar van die RCA Emmanuel en tans assessor van die RCA Sinode.

Pastoor Petra Röhrs
Dr Nkosinathi Mbatha
Ds Wessel Cronje, RCA Emmanuel en ds Akash Sirpal RCA Jeshurun.

Van die VGK in KZN het dr Nkosinathi Mbatha ’n groeteboodskap gebring aan die sinode. Hy het vertel hoe sy oupa al evangelis van die NGKA was, daarna sy pa ook as leraar van die NGKA en hy toe as derde geslag leraar van die NGKA geword het voordat die VGK gevorm is.

Mbatha het onlangs sy doktorsgraad in Praktiese Teologie verwerf aan die Universiteit van KwaZulu-Natal en is tans moderator van die VGK in KZN.

Pastor Petra Röhrs van die Evangelies-Lutherse Kerk het ’n spesiale boodskap aan die sinode gebring. KZN het talle Duitse gemeenskappe versprei oor die provinsie en daar is goeie samewerking tussen die kerke.

Die deurlopende boodskap was die feit dat die NG Kerk min in getal is en dat dit dringend noodsaaklik is om hande te vat met kollegas van ander kerke in die provinsie.


Geborg

Nuusbrief: Bly op hoogte

Teken in op Kerkbode se weeklikse nuusbrief vir vars nuus, briewe, vakatures, rubrieke, podsendings en nog meer.

Scroll to Top

Ondersteun Kerkbode se joernalistieke projek

Ons redaksionele invalshoek is “Meer lig as hitte”. Ons hou jou op hoogte van kerknuus en bied ’n platform vir verhelderende lesersdeelname.
Teken in op ons weeklikse elektroniese nuusbrief of ondersteun ons werk vir so min as R20 per maand

Your Image Your Image Your Image

Die Kerkbode-toepassing (app) is beskikbaar op jou selfoon. Installeer dit vandag nog.