NG Kerk De Aar-Noord: Leraarspos

Leraarspos – Uitnodiging tot beroepingsproses

Die NG Kerk De Aar-Noord nooi jou hartlik uit om deel te word van ons beroepingsproses. Ons is op soek na ’n leraar wat saam met ons ’n pad van geloof wil stap, iemand wat ons gemeente se uniekheid en ons lidmate se diep waardes sal omarm.

Ons het spesifieke behoeftes geïdentifiseer:

• Eredienste wat lewe gee: Eredienste is vir ons belangrik – dit is immers waar ons God ontmoet. Ons geniet dit om te sing en wil graag ’n atmosfeer van sang en aanbidding skep wat ons lidmate sal verryk en bemoedig.
• Hart vir die mense: Ons soek ’n leraar wat opreg omgee en ons lewe met warmte en sorg sal betree, iemand wat bereid is om die ekstra myl saam met ons te loop, veral in tye van nood.
• Waardering vir ons senior én jonger lidmate: Ons gemeente is geseën met senior lidmate met wysheid en stabiliteit en ’n diepte van ervaring wat ons waardeer en koester. Terselfdertyd het ons ook ’n groeiende groep jonger lidmate met energie en nuwe perspektiewe wat ons geloofsgemeenskap verryk.
• Ruimte vir almal: Ons droom is om God se koninkryk uit te brei en alle mense welkom te laat voel, ongeag agtergrond of verskille. Ons wil ’n tuiste wees waar almal by ons kan inskakel.

Ons gemeente bestaan uit 354 lidmate en 82 dooplidmate, wat ’n balans bied van jong en ouer geslagte wat saam die geloof leef.

Ons bied ’n hartlike en ruim pastorie aan vir jou en jou gesin, en vergoeding is onderhandelbaar tot skaal 2, sodat jy met geruste hart en ondersteuning die pad saam met ons kan stap.

As hierdie uitnodiging jou hart roer, en jy voel geroep om deel van ons geloofsfamilie te word, nooi ons jou om aansoek te doen.

Stuur asseblief ’n verkorte CV met ten minste twee verwysings voor of op 3 Januarie 2025 aan ons by ngkdanoord@gmail.com

Aanvangsdatum: 1 Maart 2025.

Navrae kan gerig word aan:

• Ds Frans: 082 859 2092.
• Corrie: 084 874 6979.
• Philip: 083 293 8577.