NG Gemeente Stad op die Berg (Louis Trichardt): Leraar

Vakature vir leraar

God roep ons om te leef in sy lig en te volg in die voetspore van Jesus.

VAKATURE: ’n Voltydse gelegitimeerde NG leraar wat geroepe is om die kerkraad en gemeente te help om hulle doel uit te leef in lyn met die aanvaarde visie van die gemeente.

Sluitingsdatum: Vrydag 7 Maart 2025.

Gemeenteprofiel:

• Groot plattelandse gemeente met geografiese bedieningsarea 120 km x 80 km bestaande uit 711 belydende en 217 dooplidmate.
• Twee buitepreekpunte, kleuterkerkdiens, laerskooldiens en creché.
• Bedieningspan: leraar vastetermynkontrak tot 2027 en leraar (tentmaker).
• Fokusareas: eredienste, betrokkenheid (missionaal), jeug, bejaardes en kleingroepe.
• Bergcare NPO Gemeenskapsorganisasie behoeftige bejaardes en gesinne.

Deernispakkies, charity shop, kwekery, herwinningsprojek en deurgangshuis.

Leraarsprofiel: Die gemeente soek na en bid vir: naas die vaardigheid om uitvoering aan Artikel 9 te gee, soek die gemeente ’n dienaar wat pas in die volgende profiel:

• ’n Toegewyde kind van die Here wat deur Hom tot die bediening geroep is.
• ’n Skrifgetroue prediker wat in die gereformeerde tradisie staan en die liturgie kreatief aanwend om van elke erediens ’n lewende Godsontmoeting te maak.
• Sy/haar primêre fokus en bediening moet gerig wees op ons gesinne met skoolgaande kinders.
• Moet kan leiding neem met die uitbreiding en toerusting van die kleingroepe in die gemeente.
• Moet ’n dienaarshart hê wat omgee, versorg en kan identifiseer met vreugde en hartseer van die lewe.
• Leierseienskappe hê en dissipels/leiers kan oplei en help om die gemeente te bestuur.
• Gelegitimeerd wees met volle ampsbevoegdheid.

Vergoedingspakket: Vergoeding sal volgens die sinodale riglyne en die TKVI beginsel, onderhandel word. Behuisingstoelaag, die gemeente het nie ’n pastorie nie.

AANSOEKE: Alle aansoeke moet per e-pos gestuur word na sg@stadopdieberg.co.za en vergesel wees van ’n volledige CV met vier referente. Aansoeke moet nie vier bladsye oorskry nie. Die kandidaat en sy/haar eggenote moet beskikbaar wees vir ’n naweek (Vrydag-Sondag) om die gemeente en kerkraad te ontmoet en ’n erediens te lei.

Aansoeke sluit Vrydag 7 Maart 2025 om 12:00.

Navrae: Kobus Janse van Rensburg, voorsitter DVK kobusjvr67@gmail.com 082 462 7193.

Die kerkraad behou die reg voor om nie ’n aanstelling te maak uit die beskikbare aansoeke nie.