Leraar vastetermynpos 

Gemeenteprofiel:
Die NG Gemeente Kalahari is ’n gemeente binne die sinodale gebied van die Noord-Kaap. Ons is ’n gekombineerde boere-en myngemeenskap wat saam die Here in die dorre warm somers met met die mooiste sonsondergange, rooi sandduine en kameeldoringbome in die Kalahari dien. Die gemeente sluit twee myndorpe, naamlik Hotazel (waar die kerkgebou en pastorie is) en Black Rock in, asook die omliggende plase.  Hotazel is sowat 60 km noordwes vanaf Kuruman geleë.  Beide Hotazel en Black Rock het skole, ’n paar winkels en rekreasiesentrums. Die gemeente bestaan uit 140 belydende en 50 dooplidmate en is vol vertroue dat ’n verbeeldingryke en innoverende leraar goed kan inpas en deel word van ons kerkfamilie.

Uitnodiging:
Die gemeente is in biddende afwagting vir ’n gelegitimeerde leraar met ampsbevoegdheid wat Kalahari-gemeente tot eer van die Here kan bedien, volgens die riglyne van Kerkorde Artikel 9.   Afgetrede leraars is ook welkom om aansoek te doen.

Vergoeding:
Totale vergoedingspakket beloop R400,000 per jaar en ’n gemeubileerde pastorie word voorsien.
Diensaanvaarding: Die pos is beskikbaar vanaf 15 Januarie 2026.

Aansoeke:
Leraars wat belangstel kan aansoek doen deur ’n CV met twee verwysings te stuur na kalaharingk@hotmail.co.uk. Aansoeke sluit teen 30 Augustus 2025.

Navrae:
Theuns Duvenhage 082 326 2526 (kerkraadvoorsitter)
Manus Potgieter 082 739 5995 (diensverhoudinge)
Yvonnette Wessels 083 629 5996 (kerkkantoor)

Die kerkraad behou die reg voor om nie ’n aanstelling uit die aansoeke te maak nie.