Vakature: Voltydse leraar

NG Gemeente Dalunie, ’n dolerende gemeente ±15 km noord van Brits op die Wagpospad, nooi aansoeke of aanbevelings van gelegitimeerde leraars van die NG Kerk vir die bediening van Woord en sakramente.

Ons is ’n klein, hegte geloofsgemeenskap met 297 belydende en 40 dooplidmate, en ressorteer onder die Ring van Krokodilrivier. Ons verlang na ’n leraar wat saam met ons ’n pad van groei in geloof sal stap.

Ons soek ’n leraar wat:

• Skrifgetrou is en ’n diep liefde vir die Woord en gebed het.
• Met integriteit kan begelei, luisterend kan lei en mense se vertroue kan wen.
• Bewus is van die unieke uitdagings en roeping van ’n plattelandse boerderygemeenskap.
• Aktief leiding kan neem met jeug- en kategesebediening.
• Bereid is om die gemeente se identiteitsverklaring te onderskryf (beskikbaar op versoek).
• Met hoop, gebed en vasberadenheid saam met ons ’n pad van hernude visie en roeping wil loop.
• Die gemeente met toewyding en entoesiasme in alle fasette van gemeentewerk sal dien, in ooreenstemming met Artikel 9 van die Kerkorde.

’n Vergoedingspakket, onderhandelbaar volgens die riglyne van die algemene sinode, word aangebied. Die gemeente beskik oor ’n ruim pastorie met ’n goedversorgde tuin wat op die kerkterrein geleë is. Die kerkraad behou die reg voor om geen aanstelling te maak nie. Alle aansoeke word streng vertroulik hanteer.

• Sluitingsdatum vir aansoeke: 07 September 2025.
• Stuur asseblief die volgende aan:

’n Volledige CV (merk as VERTROULIK), ’n persoonlike geloofsgetuienis, die name en kontakbesonderhede van twee verwysings, en indien moontlik, ’n onlangse foto van u gesin.

Kontakpersoon: Boots van Rensburg (voorsitter: pre-advieskommissie)

E-pos: boorens@gmail.com Sel: 082 579 3120.

Christus my hele lewe.