Vakature: Leraar

Sluitingsdatum: 15 November 2025.

Dienstermyn: Permanent.

Gemeenteprofiel: Standerton-Suid is ’n samewerkende gemeente wat diep afhanklik van die Here is en streef na Skrifgetroue Woordverkondiging. Die gemeente is geleë op die Hoëveld aan die suidekant van Standerton en bestaan uit 50% plaas- en 50% dorpslidmate. Die gemeente is meelewend in erediens en lofprysing.

Leraarsprofiel: Leraar wat die gemeente kan lei tot ’n diepe verhouding met die Here en wat homself tuis sien op die platteland met sy unieke uitdagings.

Pligte:

• Soos omskrywe in Artikel 9 van die Kerkorde.
• Moet ’n passie hê vir Skrifgetroue Woordverkondiging.
• Moet verantwoordelikheid aanvaar vir die uitbou van die gemeente, organisasie en beplanning.
• Moet doelgerig saam met die kerkraad kan werk aan verhoudinge deur middel van huisbesoeke en wyksbyeenkomste.

Vergoeding en voordele:

Sinodale skaal as riglyn. Ruim pastorie met gebruiklike voordele.

Aansoek:

Kandidate wat die kortlys haal moet vir onderhoud en prediking beskikbaar wees in Standerton. Die kerkraad behou die reg voor om sonder opgaaf van redes nie die pos te vul nie. Deur ’n aansoek in te dien gee die kandidaat sy/haar toestemming aan die kerkraad om van die inligting soos vervat in die CV en dokumente, volgens die bepalings van POPIA-wetgewing aan te wend. Alle inligting sal andersins vertroulik hanteer word. Die kerkraad behou die reg voor om verdere inligting oor die aansoeker in te win.

Diensaanvaarding: So gou as moontlik.

Navrae:

Kerkkantoor – Thea Gie – 083 207 4060, ngstd@standertonmail.co.za

Leierouderling – Alan Cawood – 082 411 2806, broadlands@standerton.co.za

Die kerkraad behou die reg voor om nie ’n aanstelling uit die aansoeke te maak nie.