Kommunikasie- en mediakoördineerder (Twaalfmaandekontrak – 5/8ste pos)

Hatfield, Pretoria

Die Algemene Sinode van die NG Kerk is op soek na ’n dinamiese en kreatiewe kommunikasie- en mediakoördineerder om by ons span aan te sluit. Die suksesvolle kandidaat sal ’n sleutelrol speel in die ontwikkeling, implementering en instandhouding van ’n kommunikasie- en mediastrategie.

Sleutelverantwoordelikhede:

• Ontwikkeling, implementering en instandhouding van ’n kommunikasiestrategie in samewerking met die algemene sekretaris.
• Skep, beplan en publiseer relevante, kreatiewe en doelgerigte inhoud vir verskeie mediaplatforms.
• Instandhouding en opdatering van die organisasie se webtuiste.
• Samewerking met interne rolspelers om konsekwente en effektiewe kommunikasie te bevorder en te verseker.

Persoonsvereistes:

• Matriek met relevante kwalifikasie/kortkursusse (kommunikasiekunde, bemarking, joernalistiek, multimediastudies, ens) en/of bewese ervaring.
• Bestuurservaring as kommunikasiekundige sal in die aansoeker se guns tel.
• Goeie verstaan van en/of ervaring in kerklike omgewing en konteks.
• Sterk skryf- en kommunikasievaardighede in Afrikaans en Engels.
• Basiese kennis van webtuiste-instandhouding en inhoudbestuurstelsels (bv WordPress).
• Basiese grafiese ontwerp en of videoredigeringvermoëns (bv Adobe, Canva).
• Kreatiewe denke, goeie tydsbestuur en aandag aan detail.
• Vermoë om met groot spanne te kan saamwerk – met ’n begrip van sisteme.
• Vermoë om selfstandig te werk.

Vergoeding:

’n Mededingende vergoedingspakket binne die kerklike / nie-winsgewende sektor; onderhandelbaar – ervaring sal in ag geneem word.

Kantoorure:

Die pos vereis kantoorpligtigheid en werksure word op ’n fleksiebasis onderhandel.

Belangstellendes kan hulle CV en portfolio met voorbeelde van kommunikasie-uitsette of mediawerk en ’n kort motiveringsbrief stuur na dewyku@ngkerk.org.za

Sluit twee referente in.

Aansoeke sluit op 24 April 2026 om 13:00. Diensaanvaarding so spoedig moontlik