Die kerkraad van Brandvlei wag in biddende afhanklikheid aansoeke in vir die onderstaande pos.

Vakature: 

Voltydse vastetermynpos vir twee jaar vir ’n  leraar.

Sluitingsdatum: 8 Mei 2026

Gemeenteprofiel: Brandvlei is ’n boerderygemeenskap in die Noord-Kaap/Boesmanland geleë op die teerpad tussen Calvinia en Upington. Die gemeente het ongeveer 100 belydende en dooplidmate met 60 besoekpunte, verdeel in 2 dorpswyke en 3 plaaswyke wat strek oor ’n groot area. Die gemiddelde ouderdom van die lidmate is ongeveer 63 jaar.

Leraarprofiel:

• ’n Gelegitimeerde leraar met volle ampsbevoegdheid.
• ’n Hart vir die platteland en aanpasbaar in ’n plattelandse gemeenskap met sy unieke uitdagings.
• ’n Passie vir verhoudingsbou en bereidheid om na aan mense te leef.
• Bereid om baie te reis op grondpaaie.

Pligte:

• Artikel 9 van die Kerkorde dien as raamwerk vir alle verantwoordelikhede.
• Lei van eredienste met aktuele prediking wat teologies suiwer en begryplik vir almal is.
• Verhoudingsbou, pastorale ondersteuning en huisbesoek.

Vergoeding en voordele:

• Onderhandelbaar, na aanleiding van aansoeker se diensjare, met kerf 5 van sinodale skaal as maksimum.
• Basies gemeubileerde pastorie met beperkte munisipale dienste.
• Selfoonsubsidie sowel as internetgebruik.
• Gemeentebakkie en brandstof word voorsien vir besoekwerk in die gemeente.

Aansoek:

Aansoeke, van nie langer as 3 bladsye nie, wat CV, motivering vir aansoek, kontakbesonderhede van 3 referente en ’n foto insluit, kan gestuur word aan ngkbrandvlei@hantam.co.za.

Diensaanvaarding: So gou as moontlik na 31 Mei 2026.

Navrae:

• Kerkkantoor by 066 114 1528
• Jan Grobbelaar (leraar) by 083 611 8731

Aansoekers kan genooi word vir ’n preekbeurt en/of onderhoud.

Die kerkraad behou die reg voor om nie ’n aanstelling uit die aansoeke te maak nie.