Die Belydenis van Belhar se uitkringeffek is veel wyer as die woongebied op die Kaapse Vlakte waarna die dokument vernoem is. Veertig jaar later praat die sentrale tema van versoening in Christus steeds met die harte van kerkleiers regoor die wêreld.

Lees ook: Elders gesien: NG Kerk praat saam met kerke in Vryheidsdagverklaring oor onreg in Gasa en ‘vals narratief oor wit volksmoord in SA’

In hierdie episode van Kollig herbesoek Heléne Meissenheimer die ontstaansgeskiedenis en die teologie van die Belydenis van Belhar. Sy praat met prof Allan Boesak, wat moderator was van die sinode wat dit in 1986 as volwaardige belydenisskrif van die destydse NG Sendingkerk (vandag Verenigende Gereformeerde Kerk) aanvaar het.

Gesprekspunte sluit in:

02:11 Belhar-belydenis se geskiedenis
04:00 Die beleef van apartheid se Bybelse regverdiging en die vrae daaroor
06:48 Protesoptrede en druk van binne
07:17 Hoe apartheid vanuit die NG Kerk se sendingbeleid voortgevloei het
11:20 Oor Kerk en Samelewing in 1986, 1994 en daarna
14:25 Kerkvereniging (“wat grootliks nog moet gebeur”)
19:58 Die VGK se “wegdwaal van Belhar”
21:15 Waaroor altwee kerke moet eerlik wees

• Berig aangepas na plasing.