Vakature: Vastetermynpos

Die leraar word beroep in ’n vastetermynpos vir twee jaar. Die termyn kan na die twee jaar verder verleng word.

Gemeenteprofiel

Die NG gemeente van Schweizer-Reneke-Noord is geleë in die Noord-Wes provinsie. Dit vorm deel van die Bloemhof-ring en val binne die Goudland-sinode. Dit is ’n plattelandse gemeente binne ’n boeregemeenskap waar daar hoofsaaklik met beeste en gesaaides geboer word. Hier is ’n goeie laerskool en hoërskool. Hier praktiseer drie mediese dokters. Buiten die gemeente is daar ook ’n NG Moedergemeente, Hervormde gemeente, AP Kerk en Ligpunt-gemeente. Daar is ook ’n ouetehuis (Silwerjare) binne die grense van die gemeente.

Leraarsprofiel:

Die kerkraad nooi leraars wat minstens aan die volgende voldoen, om aansoek te doen:

• Enige gelegitimeerde in die NG Kerk tussen die ouderdom van 25 tot 35 jaar.
• ’n Leraar met ’n passie en begrip vir plattelandse bediening.
• Die vermoë om gemaklik met alle ouderdomsgroepe te assosieer.

FOKUSAREAS:

Die gemeente streef na lidmaatbemagtiging en betrokkenheid en wil daarom ’n Skrifgegronde liggaamsmodelgemeente wees, met ’n vars uitdrukking van kerkwees.

• Artikel 9 van die Kerkorde vorm die basis van die kontrak.
• ’n Passie vir die jeug en omvattende jeugbediening.
• Pastorale, sieke- en geskeduleerde huisbesoek is belangrik.

Vergoedingspakket:

’n Vergoedingspakket sal volgens sinodale skaal onderhandel word. Huisvesting is beskikbaar in ’n ruim pastorie.

AANSOEKE:

Aansoeke vergesel van ’n volledige onlangse CV en kontakbesonderhede van drie referente moet gerig word aan:

Per e-pos: ngswrnoord@lantic.net vir aandag: Voorsitter kerkraad.

Kandidate moet beskikbaar wees vir ’n moontlike onderhoud en preekbeurt wat op gemeentekoste sal geskied. Ontvangs van alle aansoeke sal erken word.

SLUITINGSDATUM VIR AANSOEKE:

Aansoeke moet die kerkkantoor bereik voor of op 15 Augustus 2026.

Diensaanvaarding: Voor of op 1 Januarie 2027.

Navrae:

Voorsitter van die kerkraad, Abraham Badenhorst by 082 718 7916.

Brugleraar, ds Ampie Swanevelder by 082 428 4943.