Die skrywer en kampvegter vir vroueregte, Bettina Wyngaard, wat ook voorsitter was van die Andrew Murray Desmond Tutu-Prysfonds, is Vrydag 23 Julie op 55 oorlede. Sy het kanker gehad. 

Sy is onder meer die bekroonde skrywer van boeke soos “Troos vir die gebrokenes” en “Onverskrokke vroue: Uitdagings en oorwinnings van Bybelse tye tot vandag”. 

Kerkbode het verlede jaar met haar gesels kort na sy vir dr Frits Gaum opgevolg het as voorsitter van die AMDT-prysfonds. Die eerste persoon om hom in hierdie posisie op te volg. Sy het onder meer gesê haar hoop is dat die prysfonds al meer beweeg weg van “die een is NG en daai een is Anglikaan … maar dat ons onsself net as ’n groep gelowiges sien wat probeer om gehalte Christelike teologiese literatuur hoofstroom te maak”.

Kollig-podsending | Boeke, geloof en ’n prysfonds wat hulle ‘net wyer wil span’ – Bettina Wyngaard