Die Noordelike Sinode het tydens haar sitting van 18-22 Oktober die nuwe moderatuur verkies. So berig die kommunikasiespan van Noordelike Sinode op Vrydag 23 Oktober via dié sinodale streek se Facebookbladsy: “Die moderatuur neem die strategiese leiding tydens die reses tot Oktober 2030. Die moderatuur dien daarom ook as dagbestuur van die Sinodale Diensraad (SDR). Die Noordelike Sinode se nuwe moderatuur is – V.l.n.r. Louis Lemmer (Addisionele lid), Hannes Bezuidenhout (Aktuarius), Bernice Serfontein (Addisionele lid), Rehan Rheeder (Hoof Uitvoerende Beampte), Lizl-Louise Schoeman (Moderator, herkies), Fritz Snyman (Assessor) en Wynand van Niekerk (Uitvoerende hoof Kustodia).”