Ds Michelle van Tonder is verkies as moderator van Hoëveld Sinode wat 101 gemeentes in 14 ringe verteenwoordig. Die leraar van NG Gemeente Kempton-Kruin volg dr Tom Smith op en het tydens die eindronde van die stemmery op 26 Oktober meer stemme as ds Jeanine Stoffberg gekry. “Ek maak baie staat op julle hulp,” het Van Tonder aan die sowat 174 afgevaardigdes in ’n saal by Weesgerus buite Modimolle gesê. “Ek is hier om saam met julle te leer. Ek glo dat die Here mens toerus vir dit waartoe Hy jou roep. Dankie vir die geleentheid.”

Die vergadering duur tot 28 Oktober. Volg kerknuus vanuit die sinode op ons webwerf.