Ds Petrus Moolman van Pretoria skryf:

Ds Cassie Carstens se dood en die herinnering aan die destydse gebeure by die Algemene Sinode waar hy die posisie van hom en sy gay seun se verhouding bekendgemaak het, het my opnuut weer in die hart gegryp – net soos daardie tyd.  Ek wil tegelyk ook by Albert Alberts in die e-Kerkbode se brief aanhaak oor die gay-debat.

Die onverkwiklikheid van die verskille in die gay-debat het my net weer opnuut God se anderse liefde oor andersheid wat ons as mense gewoon nie verstaan nie, laat besef. Daar word honderde-duisende mensies gebore wat op talle maniere ‘anders’ is as wat ons gewoonlik as ‘normaal’ aanvaar. Maak God so baie foute, of is God se verstaan van en sy liefde vir mense wat buite ons denkraamwerk van ‘normaal’ is, dalk net anders as ons s’n?

Ek kan my in die gees wat tans aan albei kante van die debat heers nie voorstel dat ons mekaar ooit gaan oortuig nie. Wil die twee kante nie maar as kompromie besluit dat ons gewoon nie verstaan nie, dat God wel verstaan en dat sy liefde ‘anders’ werk en is as ons liefde nie?

Lesers kan briewe rig aan Die Redakteur, Kerkbode en dit na kerkbode@tydskrifte.co.zastuur. Korter briewe, verkieslik nie langer as 300 woorde nie, geniet voorkeur by plasing. Briewe sal redaksioneel versorg word en kan ook verkort word.