‘n Video van die hele program van die Andrew Murray-prysfonds se pryse-partytjie Sondag 5 Desember kan nou op Kerkbode se webblad gekyk word.

Die video is die webweergawe van die program wat op kykNET was. Die videoteks is versorg deur Frits Gaum, voorsitter: Andrew Murray-prysfonds.

Die aanbieders van die pryspartytjie is die skrywers Bettina Wyngaard en Danny Fourie.

Lees meer oor vanjaar se pryswenners: Boek oor skop, skiet en bekering onder die wenners van Andrew Murray-prysfonds

• Die Andrew Murray-prysfonds, wat pryse toeken vir Christelike en teologiese media in amptelike tale van Suid-Afrika, bestaan al langer as veertig jaar. Dit het algaande  prestige-pryse geword en die koppeling van Andrew Murray en Desmond Tutu se name aan een van die pryse, is ook ‘n teken van versoening – en van God se sin vir humor, soos emeritus-aartsbiskop Tutu daarna verwys.