Heléne Meissenheimer gesels oor die dag se gebeure by die Algemene Sinode in Boksburg – waaronder die spesiale drukkie wat ds Maartje van der Westhuizen gekry het met haar verkiesing as assessor van die NG Kerk.

Sy vertel vir die radiojoernalis Lizelle de Bruin van Binnekamer waarom die politieke wetenskaplike Roeland Henwood meen die NG Kerk is een van die “sterkste kern-netwerke” in die land (LEES MEER HIER: Algemene Sinode: NG Kerk is steeds kragtige netwerk in SA wat steier en afglip teen gladde paal van gesonde demokrasie-indeks)

** Hoor ook van ’n oud-boer uit die Vrystaat wat vertel hoe hy gehoor het die Here vra hom om die drie plaasaanvallers op sy plaas te vergewe.
Hou gerus Kerkbode elke aand dié tyd (tot Donderdag) dop vir meer sulke video-stories.