Die St Paulus-kerk in Fürth, in Beiere, Duitsland was onlangs volgepak vir ’n erediens gelei deur ’n kunsmatige intelligensie-kletsbot. 

Die “prediker” was voorgestel deur ’n beeld van ’n skynmens (avatar) op ’n skerm, het Associated Press (AP) berig.

“Ek het vir die kunsmatige intelligensie gesê, ‘Ons is by die kerklike saamtrek, jy is die prediker … hoe sal ’n kerkdiens lyk?’,” het Jonas Simmerlein, teoloog en filosoof van die Universiteit van Wenen aan AP vertel. 

Die diens, wat op 9 Junie plaasgevind het, het wye media-belangstelling gelok. “Appearing on @FoxNews … an achievement, I guess…,” het die teoloog  via Twitter oor een van die vele televisie-insetsels en nuusberigte oor die kletsbotkerkdiens gesê.

Die preektema was, “Nou is die tyd” en dit is een van die sinne wat Simmerlein gebruik het toe hy die kletsbot ChatGPT instruksies gegee het om ’n preek saam te stel. 

LEES OOK: Kerke praat saam oor kragkrisis: ‘Ontbondel Eskom en wees deursigtig oor Russe se rol’

Simmerlein het na afloop van die diens besin oor hoe die projek ontvang en ook misverstaan is. “(Sommige mense) thought we were replacing God with the AI, which was just never the case and no one wanted to replace anybody. The intention from my part was to find out if people would have emotional, spiritual experiences,” het die prediker aan David Zvi Kalman gese in ’n blog-inskrywing op Kalman se webblad. 

• Hierdie berig is ná publikasie aangepas. Die erediens was op ’n Vrydag. – Red.