Op 25 April het CABSA (die Christelike Vigsburo van Suid-Afrika) sy Algemene Jaarvergadering gehou. Verteenwoordigers van verskeie kerkgenootskappe, NWO’s en gesondheidspersoneel het die vergadering bygewoon. Aneleh Fourie, die direkteur van CABSA, het beklemtoon dat MIV nie verdwyn het nie. Mias van Jaarsveld doen verslag. 

Die COVID-19-pandemie het gelei tot ‘n vergeet van die voortdurende MIV/Vigs-krisis, met mense wat kritiese gesondheidsorg en lewensreddende medikasie geweier is.

Ten spyte van beduidende mediese vooruitgang, insluitend medikasie en sorg wat MIV van ‘n doodvonnis na ‘n hanteerbare toestand omskep het, vergeet baie steeds die voortdurende impak daarvan op gemeenskappe. Nietemin, is die effekte daaraan gekoppel aan armoede, dwelmmisbruik, en geslagsgebaseerde geweld.

CABSA bly toegewyd om gemeenskappe wat deur hierdie pandemie geraak word, te dien. Alhoewel hul benadering effens verskuif het om te fokus op die kompleksiteit van sosiale kwessies waarmee baie gemeenskappe te kampe het, bied hulle steeds werkswinkels, mentorskapprogramme, en opleidingsprogramme aan. Die klem strek tot kwessies soos voedselsekuriteit, gesonde gemeenskappe, seksuele opvoeding, gemeenskapsopheffing, volhoubaarheid, en verantwoordelike burgerskap. “Ons kan nou nie die bal laat val nie,” sê Aneleh.

Belangrike datums kenmerk nou CABSA se kalender: hul jaarlikse Candle Memorial gedenktekenis op 2 Junie by NG Helderberg in Somerset-Wes, en Wêreldvigsdag op 1 Desember, wat saamval met die 16 Dae van Aktivisme teen Geweld teen Vroue en Kinders.

CABSA se AJV was by CLF se hoofkantoor in Wellington. CLF het CABSA genooi om sy kantore by hul hoofkantoor in Wellington te vestig, om ‘n nouer same werking te ondersteun. Sedert Maart 2024 is CABSA in CLF se kantoorruimte geleë.

Samewerking met CLF

CLF, wat in 1957 gestig is, ontwikkel en versprei informatiewe pamflette wat maatskaplike uitdagings aanspreek. CABSA, gestig in 2001, deel ‘n soortgelyke fokus op die aanspreek van MIV/Vigs-uitdagings en die pleit vir gesondheid, welstand, en geslagsgelykheid.

 Hul samewerking het in 2001 begin en is geformaliseer deur ‘n Memorandum van Ooreenkoms wat in 2006 onderteken is, gevolg deur ‘n ander in 2008. Deur die jare heen het hul vennootskap gebloe, wat die verspreiding van MIV-verwante pamflette en die ondersteuning van opleidingsprogramme fasiliteer. Daarbenewens het CABSA bygedra tot CLF se pogings deur die skryf en redigeer van MIV-verwante materiaal.

Dr Mias van Jaarsveld is redakteur by CLF.