Teen die een muur van die saal waar die NG Kerk in Oos-Kaapland sinode hou, pryk ‘n vrolike, bont versameling van kinderkuns.

Dit is sketse wat deur laerskoolkinders uit Oos-Kaapse gemeentes gemaak is aan die hand van Handelinge 1:8: “Maar julle sal krag ontvang wanneer die Heilige Gees oor julle kom, en julle sal my getuies wees in Jerusalem, in die hele Judea en Samaria en tot aan die einde van die aarde.”

Dié teks vorm deel van die groter gedeelte van Handelinge 1:4-14 wat die sinode elke dag tydens die dagwyding gebruik om te wandel in die Woord.

Deur die sketse word die kinders van die Oos-Kaapse kerk ook op ’n manier betrokke by die sinode se vergadering.

Hier is ’n paar foto’s van die muur met kinderkuns en van die individuele sketse wat deur kinders gemaak is.