Hierdie is 'n lesersbrief.
Die opinies van briefskrywers weerspieël nie noodwendig die standpunte of oortuigings van die Kerkbode-redaksie of die NG Kerk nie.
Die NG gemeente Van Zylsrus skryf:
Ons rig hierdie aan ons medeboere in die droogtegeteisterde gebiede van Namibië, Boesmanland en die Karoo.
Van Zylsrus se gebied het self gebukkend gegaan onder ’n erge droogte en daarom kan ons ons vereenselwig met julle swaarkry.
Danksy reën afgebid van Bo, is ons aan die herstel en lewe in dankbaarheid.
Ons gemeente kan ongelukkig nie finansiële bystand bied nie, maar kan saam met julle verenig in gebed sodat ons Vader wat getrou is, die hemelse sluise sal oopmaak en die dorre aarde benat.
Die Vader belowe ons in Jesaja 65:24: “Voor hulle nog roep, sal Ek antwoord, terwyl hulle nog praat, sal Ek hulle gebed verhoor.”
Baie sterkte en seën vir julle.
- Ondersteun
Nuusbrief: Bly op hoogte
Teken in op Kerkbode se weeklikse nuusbrief vir vars nuus, briewe, vakatures, rubrieke, podsendings en nog meer.