PORT ELIZABETH. Eerstejaarstudente van die Baai kan vanjaar hulle kamptoerusting by die huis los en eerder aktiwiteite kom bywoon.

So sê ds Rethie van Niekerk, leraar by die Somerstrand Gemeente in Port Elizabeth, oor hulle twee-weke-lange verwelkomingsprogram vir nuwe studente wat in Februarie plaasvind. Aktiwiteite sluit ’n vegan-vriendelike braai, ’n fliekaand en strandpiekniek in en op dié manier kan studente teen hulle eie tempo mekaar, die stad en omgewing leer ken.

“Tussen eredienste en selgroepe is daar kuier­ge­leent­hede, staptogte, ysskaats, ensovoorts,” ver­tel Rethie.