Al die kerke in Kamieskroon in Namakwaland het onlangs vir die eerste keer in die middel van die dorp saamgekom vir verootmoedi­ging en om saam te bid.

Kerklike samewerking, reën, die dorp en die verkiesing was op hulle gebedslysie, het ds AJ van As laat weet.

“Die sowat 80 mense het gemeentes verteenwoordig van die NG Kerk, VGK, die Katolieke Kerk, die Metodiste en ’n paar Pinksterkerke. Die vier gebedsitems is deur ’n verteenwoordiger van elke kerk gehan­teer,” sê AJ.