Maak só jou gemeente toeganklik vir gestremdes

Terwyl mense met gestremdhede gretig is om ’n aktiewe rol in die gemeentelewe te speel, word hulle dikwels om verskeie redes uitgesluit, het Vrypos, die weeklikse nuusbrief van die NG Kerk in die Vrystaat, onlangs berig. RampUp, ’n organisasie wat hulle ­beywer om kerke meer toeganklik vir gestremdes te maak, gaan binnekort ’n opleidingswerkswinkel aanbied vir betrokkenes in kerke, wat gemotiveerd is om ’n positiewe verskil te maak ten opsigte van hierdie uitdaging. Die slypskool sal vanaf 22 tot 26 Julie 2019 by die Padre Pio Retreat Centre in Elarduspark, Pretoria plaasvind.

Belangstellendes kan vir Erna Möller op 021 345 4915 skakel, of ’n e-pos aan erna@tlm.co.za stuur.