“Dit beteken baie vir die eenheid van ons dorp,” het ds Henning Rade­meyer, leraar van NG gemeente Randfontein-Noord oor hulle onlangse gesamentlike Hemelvaart­diens gesê.

Volgens Rademeyer het sowat 400 mense van verskeie denominasies op 30 Mei vir die dorp se jaarlikse “Hemelvaart-gemeenskapsviering” in Randfontein opgedaag.

Volgens Rademeyer behoort verskeie kerke van verskillende denominasies in Randfontein aan die Ekumeniese Leierskring. Dié gemeentes werk dan jaarliks saam om gesament­like dienste te hou en vanjaar was Hemelvaart weer op hulle kalender.

Die musiek sowel as die preek is deur verskeie kerke behartig. Rademeyer het saam met ds Brett Smitsdorff (wat in Engels gepreek het) van die Randfontein Baptist Church gepreek oor 1 Petrus 3:18-22.

Daar wis ook ’n afsonderlike jeug- en kinderprogram aangebied.