“Volgens statistiek word ’n vrou elke drie ure verkrag en desnoods vermoor. Die onrusbarende aanvalle op buitelanders het die aandag van die internasionale wêreld op ’n negatiewe wyse op ons gevestig,” is twee van die redes waarom SA Mourns 13 September as ’n dag van rou aangekondig het.

Hulle het versoek dat almal ’n swartsak oor hulle klere sal aantrek “as ’n teken van rou en verootmoediging”.

“Diversiteit moet as ’n geleentheid gesien word om mekaar in ’n gees van verdraagsaamheid te omarm en saam na oplossings te soek,” sê ds Jannie Pelser, vryskutleraar van Krugersdorp en organiseerder van SA Mourns.

Die inwoners van Appelpark, ’n behoeftige gemeenskap in Krugersdorp, het in die land se hartseer gedeel.

• Besoek “SA Mourns” op Facebook.