Die kerkgebou van die NG gemeente Goudini is geleë in Rawsonville, tussen die Du Toitskloof-tonnel en Worcester.

Lidmaat Christo Murray laat weet: “Die woord ‘Goudini’ is afgelei van K’Gou Dani, wat in die Koi-San taal verwys na ‘die plek van bitter heu­ning’. In 1879 is die gemeente van die Worcester-gemeente afgestig. Die fondament van die kerk is in 1891 gelê en die voltooide kerk is in 1893 ingewy. In 1917 is twee galerye bygevoeg ter wille van meer sitplek. Oor die jare heen is verskeie verbeteringe en herstelwerk aan die kerk gedoen, onder andere na die aardbewing van 1969.”

Volgens Christo is 12 le­raars, waarvan die laaste vanjaar, in die 140 jaar wat die gemeente bestaan, daar bevestig.