Nou kan jy wen met jou foto’s

Ons was aangenaam verras met die gehalte van foto’s, inligting, staaltjies en stories oor kerkgeboue en gemeentes wat lidmate vir ons deur die loop van 2019 ingestuur het as deel van Kerkbode se gereelde Kiek jou kerkgebou-afdeling op die Streekblad.

Vanjaar wil ons ’n prys aan hierdie veldtog koppel en beloof om ’n Bybel-Media­boekprys ter waarde van R1 000 aan die wenner te pos in Desember, wanneer die laaste uitgawe van die koerant vir 2020 rolpers toe gaan.

Dis maklik om deel te neem: Kiek jou kerkgebou op so ’n kreatief as moontlike wyse en skryf vir ons so twee paragrawe oor die gemeente se storie en stuur jou inskrywing vir ons per e-pos na conette@tydskrifte.co.za