Daar is ’n behoefte aan méér eerlikheid oor ras, ook binne die NG Kerk.

“We are not done talking and the role of the church is to help heal the wounds and there are now more wounds than before,” meen dr Lieze Meiring, een van die organiseerders van ’n onlangse paneelgesprek oor ras, taal en kultuur. 

Meiring, ’n leraar by die NG gemeente Elarduspark, het tesame met ds Marike Brink, onlangs vir ds Schalk van Heerden gevra om ’n gesprek te lei wat “mense sal aanmoedig om nuut te dink oor rasseverhouding en die probleme in ons land”. 

Van Heerden is die skrywer van Betereinder, en probeer in sy eie woorde, nie net brûe bou nie, maar ’n brug wees. Hy beskryf sy brugbediening egter as een van meer “grace” uitdeel as wat mense verwag. 

Lees meer: ‘Betereinder: Lees dié boek met nederigheid en baie selfondersoek’ 

Gespreksgenote was ds Charlotte Sibanyoni van NG Universiteitsoord, Rakgadi Khobo (Anglikaanse Kerk), proponent Sandile Mnisi (VGK), ds Schalk Van Heerden van NG Fontainebleau Gemeenskapskerk  en sy vriend Timmy Malatjie.