Nico Basson van Sedgefield skryf namens Marius Coetzee Karatara Kerkraad en Gemeente: Die verklaring Regstegniese implikasies van hofuitspraak (opvolg) verwys.

1. Na afloop van ‘n hofsaak word daar outomaties ‘n formele uitspraak gelewer wat dan beskikbaar gestel word aan die regspanne betrokke by die saak.
2. Omdat daar nie ‘n formele uitspraak was nie soos na afloop van ‘n hofsaak waar al die argumente aangehoor is nie, sal dit nie outomaties gebeur nie. Hierdie inligting sal moet aangevra word by die hof. Dit sal komende Maandag 11 Augustus eers kan gebeur. Dit is dus vreemd dat Charl Stander nou al kan aanspraak maak dat hy die beslissing van die hof ontvang het.
3. Volgens Karatara/Sedgefield se regspan was die uitspraak deur Regter Nuku: ” I am not satisfied that the applicant has to jump the queue and accordingly the matter is referred to the normal roll”
4. Dit beteken dat die saak geensins aangehoor is of ‘n bevinding daaroor gemaak is nie. Al waaroor daar besluit was, is die kwessie rondom die dringendheid al dan nie.