• Hierdie kennisgewings is op 15 Augustus 2025 opgedateer. 
• Stuur Amptelike Nuus na kerkbode@tydskrifte.co.za

BEROEP

Ds ISdeV (Izak) du Toit van Delmas na Naboomspruit; ds L (Lamé) Faasen van Mindalore na Culembeeck; proponent AM (Andrew) Hofmeyr na Boksburgpark; ds JF (Dirkie) van Heerden van Kuruman na Calitzdorp. 

WES-KAAPLAND

BEROEP

Ds Dirkie van Heerden van die NG Gemeente Kuruman is beroep na die NG Gemeente Calitzdorp. (Philip Venter, kerkraadvoorsitter: NG Gemeente Calitzdorp, 11.08.2025).

NOORD-KAAPLAND

RINGSITTING

Die Ring van Warrenton se 62ste ringsitting vind plaas op 1 September 2025 te Guldenskat. (Pauline du Preez, skriba: NG Kerk Jan Kempdorp nms Ring van Warrenton, 11.08.2025).

Die Ring van Hanover sal DV op Saterdag, 4 Oktober 2025 hulle 42ste ringsvergadering hou in die kerksaal van NG KERK Vanderkloof. (Madeleine Hattingh, ringskriba: Ring van Hanover, 12.08.2025).

GOUDLAND
BEROEP

Ds Lamé Faasen van NG Kerk Mindalore, Krugersdorp, Gauteng is tydens ’n kerkraadsvergadering gehou op 5 Augustus 2025 beroep na die NG Kerk Culembeeck, Witpoortjie, Gauteng. (Leandra Viljoen, kerkraadslid: tegnologie: NG Kerk Culembeeck, 11.08.2025).

NOORDELIKE

BEROEP

Die NG Gemeente Naboomspruit het vir ds Izak du Toit van die NG Gemeente Delmas beroep. (Emielé Nel, skriba: NG Gemeente Naboomspruit, 08.08.2025).

HOËVELD

BEROEP

Proponent AM (Andrew) Hofmeyr is op ’n spesiale kerkraadsvergadering (beroepingsvergadering), gehou op Dinsdag 5 Augustus 2025, beroep tot leraar (vir ’n vastetermyn van drie jaar) by NG Gemeente Boksburgpark. (Pixie van Aardt, skriba: NG Gemeente Boksburgpark, 11.08.2025).